Majezik 100 Mq N15 Tb

Majezik, örtüklü tabletlər

Majezik, beynəlxalq patentləşdirilməmiş adı: Flurbiprofen

Majezik tərkibi

Təsiredici maddə: 1 tabletin tərkibində 100 mq flurbiprofen vardır.

İstifadəsinə göstərişlər

Revmatoid artrit, osteoartrit, ankilozlaşdırıcı spondilit, bursit, tendinit, yumşaq toxumaların zədələnməsi zamanı təxirəsalınmaz və uzunmüddətli simptomatik müalicə; dismenoreya.

Əks göstərişlər

Flurbiprofenə və ya preparatın köməkçi maddələrinə qarşı yüksək həssaslıq; aspirin və ya digər qeyri-steroid iltihabəleyhinə preparatların qəbulundan sonra astma, övrə tutmaları və ya digər allergik reaksiyalar; aspirin triadası; anamnezdə xora və ya QSİƏP ilə əlaqəli qanaxma; aktiv qanaxmalar; ağır ürək, qaraciyər və böyrək çatışmazlığı; CABG əməliyyatı öncəsi ağrı müalicəsi; hamiləliyin üçüncü trimestri.

Hamiləlik və laktasiya dövründə istifadəsi

1-2-ci trimestrdə yalnız ciddi göstəriş olduqda istifadə edilməlidir (C kateqoriyası); 3-cü trimestrdə istifadəsi əks göstərişdir (D kateqoriyası). Flurbiprofen ana südü ilə az miqdarda ifraz olunur, lakin südverən analarda istifadəsi zamanı ehtiyatlı olmaq lazımdır.

Pediatriyada istifadəsi

12 yaşdan kiçik uşaqlarda istifadəsi tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Flurbiprofen qəbul edən bəzi xəstələrdə yuxululuq, başgicəllənmə, görmə pozğunluğu kimi hallar müşahidə oluna bilər. Belə hallar müşahidə olunarsa, nəqliyyat vasitələrinin idarəsi və dəqiq mexanizmlərlə işləməkdən çəkinmək lazımdır.

Majezik istifadə qaydası

Bölünmüş doza 150-200 mq/sut təşkil edir. Kəskin simptomları olan xəstələrə və ya xəstəliyin kəskinləşməsi zamanı dozanı 200 mq-dək artırmaq olar.
Dismenoreya: Əvvəlcə 100 mq, sonra isə hər 4-6 saatdan bir 50 və ya 100 mq qəbul edilə bilər.
Maksimal sutkalıq doza 300 mq-dan artıq olmamalıdır.