Meloksevin 7, 5 Mq N20 Tablet

Meloksevin, 7.5 mq tabletlər

Meloksevin, beynəlxalq patentləşdirilməmiş adı: Meloxicam

Meloksevin tərkibi

Təsiredici maddə: 1 tabletin tərkibində 7,5 mq meloksikam vardır.

Meloksevin, istifadəsinə göstərişlər

Oynaqların revmatoid və degenerativ xəstəliklərinin gedişi zamanı sümük-oynaq və əzələ ağrıları zamanı iltihabəleyhinə və ağrıkəsici dərman kimi istifadə edilir. Aşağıdakı revmatoid xəstəliklərin kəskinləşməsi zamanı qısamüddətli müalicədə istifadə edilir: revmatoid artrit, yuvenil revmatoid artrit, ankilozlaşdırıcı spondiloartrit (Bexterev xəstəliyi).

Əks göstərişlər

Meloksikama və ya bu preparatın hər hansı komponentinə qarşı yüksək həssaslıq; hamiləliyin üçüncü trimestri; 15 yaşdan aşağı şəxslər; aspirinə və ya digər QSİƏP-lərə qarşı allergiya; QSİƏP istifadəsi zamanı mədə-bağırsaq qanaxması və ya perforasiya, xora xəstəliyi; ağır qaraciyər və böyrək çatışmazlığı; beyin qanaxması; müxtəlif mənşəli qanaxmalar; ağır ürək çatışmazlığı; laktoza dözümsüzlüyü.

Hamiləlik və laktasiya dövründə istifadəsi

Hamiləlik dövründə, xüsusilə üçüncü trimestrdə istifadəsi qadağandır. Laktasiya dövründə istifadəsi tövsiyə edilmir.

Pediatriyada istifadəsi

15 yaşdan aşağı uşaqlarda istifadəsi tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Yuxululuq, başgicəllənmə, görmə pozulmaları və ya sinir sistemi pozğunluqları yarandıqda nəqliyyat vasitələrinin və təhlükəli mexanizmlərin idarə olunması yolverilməzdir.

Meloksevin istifadə qaydası

Meloksevin tabletləri ağız yolu ilə qəbul edilir. Tövsiyə olunan doza: gündə 1 tablet (7.5 mq). Qida ilə birlikdə və maye ilə qəbul olunmalıdır. Uşaqlar və 15 yaşdan aşağı yeniyetmələr üçün istifadə olunmur. Müalicə müddəti 7 gündən artıq olmamalıdır. Dozanın çox güclü və ya zəif təsir göstərməsi halında həkimlə məsləhətləşmək lazımdır.