Menovazin 25 ml Məhlul

MENOVAZİN, xaricə istifadə üçün məhlul

MENOVAZİN tərkibi

MENOVAZİN tərkibi, 25 ml məhlulun tərkibində 0,625 q mentol, 0,25 q anestezin, 0,25 q novokain vardır

Menovazin, istifadəsinə göstərişlər

Xaricə yerli ağrıkəsici vasitə kimi nevralgiya, mialgiya, artralgiya zamanı, qaşınma əleyhinə vasitə kimi qaşınan dermatozlarda istifadə olunur.

Əks göstərişlər

Preparatın komponentlərindən hər hansı birinə qarşı yüksək həssaslıq zamanı preparatın istifadəsi əks göstərişdir. Dərinin tamlığının pozulması. Nəzərdə tutulan istifadə nahiyəsində dərinin iltihabi xəstəlikləri.

Hamiləlik və laktasiya dövründə istifadəsi

Sənəddə hamiləlik və laktasiya dövrü ilə bağlı məlumat verilməyib.

İstifadə qaydası və dozası

Sutkada 2–3 dəfə dərinin ağrıyan hissələrinə sürtülür. Müalicə kursu terapevtik təsirdən asılı olaraq davam etdirilir, lakin müddəti 3–4 həftədən artıq olmamalıdır. Ehtiyac olduqda, müalicə kursu təkrarlana bilər.