METRONIDAZOL 5MG 100ML (UKR)

METRONİDAZOL, infuziya üçün məhlul

METRONİDAZOL tərkibi

METRONİDAZOL tərkibi, 1 ml məhlulun tərkibində 5 mq metronidazol vardır

Metronidazol, istifadəsinə göstərişlər

Metronidazola qarşı həssas mikroorqanizmlərin (əsasən, anaerob bakteriyaların) törətdikləri infeksiyaların müalicəsi və profilaktikası. Bunlara septisemiya, peritonit, abses, pnevmoniya, osteomielit, doğuşdan sonrakı sepsis, yara infeksiyası və s. daxildir.

Əks göstərişlər

Metronidazola və ya digər nitroimidazol törəmələrinə və ya preparatın tərkibində olan hər hansı köməkçi komponentə qarşı yüksək həssaslıq, MSS-nin üzvi xəstəlikləri, qan sistemi xəstəlikləri. Disulfiram və alkoqolla kombinasiyada istifadəsi tövsiyə edilmir.

Hamiləlik və laktasiya dövründə istifadəsi

Hamiləlikdə istifadəsi barədə məlumatlar ziddiyyətlidir. I trimestrdə yalnız həyat üçün təhlükəli infeksiyalar zamanı istifadə olunmalıdır. II və III trimestrlərdə gözlənilən fayda riskdən yüksəkdirsə istifadə oluna bilər. Laktasiya zamanı südvermə dayandırılmalı və müalicə bitdikdən 2-3 gün sonra bərpa edilməlidir.

İstifadə qaydası və dozası

Yalnız venadaxili, dəqiqədə 5 ml sürətlə yeridilir. Əməliyyatlardan əvvəl 500 mq, 8 saatdan bir təkrarlanır. Uşaqlarda bədən çəkisinə uyğun doza. Anaerob infeksiyalarda: böyüklərdə hər 8 saatdan bir 500 mq; uşaqlarda 20–30 mq/kq/gün və ya 7.5 mq/kq hər 8 saatdan bir. Təkrar müalicə ehtiyacları və müalicə müddəti klinik göstərişlərə əsasən müəyyənləşdirilir.