Movalis 15 Mq N20 Tb

MOVALİS, tabletlər

MOVALİS tərkibi

MOVALİS tərkibi, 1 tabletin tərkibində 7,5 mq və ya 15 mq meloksikam vardır

Movalis, istifadəsinə göstərişlər

Osteoartrit simptomlarının və əlamətlərinin kəskinləşməsinin qısa müddətli müalicəsi üçün; revmatoid artrit simptomlarının və əlamətlərinin yüngülləşdirilməsi üçün; ankilozlaşan spondiloartrit simptomlarının və əlamətlərinin yüngülləşdirilməsi üçün.

Əks göstərişlər

Meloksikama və ya preparatın köməkçi maddələrinə qarşı yüksək həssaslıq. Asetilsalisil turşusu və ya digər QSİƏP istifadəsindən sonra bronxial astma, angionevrotik ödem, övrə. Aorto-koronar şuntlama əməliyyatı (CABG) keçirmişlərdə istifadəsi. Mədə-bağırsaq qanamaları və xora anamnezi. Kron xəstəliyi və xoralı kolitin kəskinləşməsi. Ağır qaraciyər və böyrək çatışmazlığı, ürək çatışmazlığı. Qanın laxtalanma sistemi pozğunluqları, hamiləlik, laktasiya dövrü. Qalaktozaya qarşı irsi dözümsüzlük. 16 yaşadək uşaqlar.

Hamiləlik və laktasiya dövründə istifadəsi

MOVALİS-in hamiləlik zamanı istifadəsi əks göstərişdir. Prostaqlandinlərin sintezinin ləngiməsi hamiləliyə və dölə mənfi təsir göstərə bilər. Hamiləliyin III trimestrində qəbulu dölün ürək-ağciyər və böyrək funksiyalarına zərər verə bilər. Doğuş zamanı qanaxma riskini artıra, doğuşun gecikməsinə səbəb ola bilər. Meloksikam ovulyasiyanı ləngidə bilər və fertilliyə mənfi təsir edə bilər. Laktasiya dövründə istifadəsi tövsiyə edilmir.

İstifadə qaydası və dozası

MOVALİS tabletləri yemək zamanı su ilə qəbul olunur. Gündə bir dəfə istifadə edilir. Maksimal sutkalıq doza 15 mq-dır. Osteoartritdə 7,5 mq/sut, ehtiyac olduqda 15 mq/sut. Revmatoid artrit və ankilozlaşdırıcı spondilitdə 15 mq/sut, lazım gəldikdə 7,5 mq/sut-a endirilə bilər. Yaşlılarda və risk qrupuna daxil olanlarda başlanğıc doza 7,5 mq/sut olmalıdır. Dializ olunmayan ağır böyrək pozğunluqlarında istifadəsi əks göstərişdir. 16 yaşdan aşağı uşaqlarda istifadəsi tövsiyə edilmir.