Nervio B12 3 ml N6 Amp

Nervio B12, əzələdaxili inyeksiya üçün məhlul

Nervio B12, beynəlxalq patentləşdirilməmiş adı: Diclofenac sodium, Betamethasone, Hydroxocobalamin

Nervio B12 tərkibi

Təsiredici maddə: 1 ampulda (3 ml) 75 mq diklofenak natrium, 2 mq betametazon dinatrium fosfat, 10 mq hidroksokobalamin (sulfat şəklində) vardır.

İstifadəsinə göstərişlər

İltihabi proseslər, kəskin ağrı sindromu, revmatik xəstəliklər, fibrozit, mialgiya, lumbaqo, travmalar.

Əks göstərişlər

Preparatın komponentlərinə qarşı hiperhəssaslıq; aktiv mədə və qastroduodenal xora; kəskin qaraciyər və böyrək pozğunluqları; dekompensasiya olunmuş ürək çatışmazlığı; hipertoniya; kəskin astma tutmaları; vərəm; sistem göbələk infeksiyaları; virus hepatitləri; kəskin qlomerulonefrit; kəskin psixoz; osteoporoz; qaraciyər porfiriyası; hamiləlik və laktasiya dövrü; 12 yaşdan kiçik uşaqlar; aspirin və digər QSİƏP-lərə qarşı həssaslıq; antikoaqulyantlarla müalicə.

Hamiləlik və laktasiya dövründə istifadəsi

Əks göstərişdir.

Pediatriyada istifadəsi

12 yaşdan kiçik uşaqlarda istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələri və potensial təhlükəli mexanizmləri idarəetmə qabiliyyətinə təsir göstərmir. Lakin yaşlı şəxslərdə yuxululuq yarada bilər.

Nervio B12 istifadə qaydası

Doza xəstəliyin gedişinə və klinik vəziyyətə uyğun fərdi təyin olunur. 12 yaşdan böyük şəxslərdə tövsiyə olunan doza gündə 1–2 ampul əzələdaxili inyeksiya şəklindədir. İnyeksiya nahiyəsi aseptika qaydalarına uyğun olaraq dərin və tədricən yeridilməli, sonra massaj edilməlidir.