Neumaks-ES 400 MQ N7 tablet

NEUMAKS-ES 400 mq örtüklü tabletlər

Neumaks tərkibi

Təsiredici maddə: 1 tabletin tərkibində 436,4 mq moksifloksasin hidroxlorid (400 mq moksifloksasinə ekvivalent) vardır.
Köməkçi maddələr: povidon (PVP K30), susuz laktoza, kroskarmelloza natrium, talk, maqnezium stearat.
Örtük: çəhrayı opadri II 85G34784 (talk, polietilenqlikol, soya lesitini (E322), polivinil spirti, titan dioksid (E171), qırmızı dəmir oksidi (E172), FD&C mavi indiqokarmin alüminium lakı (E132)).

Əks göstərişlər

Preparatın komponentlərinə qarşı yüksək həssaslıq, hamiləlik, laktasiya dövrü, 18 yaşa qədər uşaqlar, flüorxinolonlarla əlaqəli vətər xəstəlikləri, QT intervalının uzanması, hipokalemiya, bradikardiya, ürək çatışmazlığı və simptomatik aritmiyalar zamanı istifadəsi əks göstərişdir.

Hamiləlik və laktasiya dövründə istifadəsi

Hamiləlik zamanı moksifloksasinin təhlükəsizliyi müəyyən edilməyib, bu səbəbdən istifadəsi qadağandır. Moksifloksasin cüzi miqdarda ana südünə keçə bildiyi üçün müalicə müddətində ana südü ilə qidalandırma dayandırılmalıdır.

Neumaks istifadə qaydası, dozası

Tabletlər daxilə qəbul edilir. Tövsiyə olunan doza – gündə bir dəfə 400 mq.

Müalicə müddəti:
- Kəskin sinusit: 10 gün
- Xroniki bronxitin kəskinləşməsi: 5 gün
- Xəstəxanadankənar pnevmoniya: 7-14 gün
- Dəri və yumşaq toxuma infeksiyaları: 7-21 gün
- İntraabdominal infeksiyalar: 5-14 gün
- Kiçik çanaq üzvlərinin iltihabi xəstəlikləri: 14 gün