Nistatin 500000 Iu N10 Rektal Sam

NİSTATİN, vaginal suppozitoriyalar

NİSTATİN tərkibi

Təsiredici maddə: 1 şamın tərkibində 55,5 mq (250 000 TV) və ya 111 mq (500 000 TV) nistatin vardır.

İstifadəsinə göstərişlər

Uşaqlıq yolunun selikli qişasının kandidozunun müalicə və profilaktikası (uzunmüddətli yerli mikrob əleyhinə terapiya zamanı).

Əks göstərişlər

Preparatın istənilən komponentinə qarşı yüksək həssaslıq, hamiləlik, 18 yaşa qədər uşaqlar (uşaqlarda preparatın intravaginal dərman forması kimi istifadəsinin effektivliyi və təhlükəsizliyi barədə məlumat yoxdur).

Hamiləlik və laktasiya dövründə istifadəsi

Hamiləlik dövründə preparatın istifadəsi əks göstərişdir. Laktasiya dövründə preparatdan istifadə etmək mümkündür, belə ki, nistatin selikli qişadan praktik olaraq sorulmur və bu səbəbə görə ana südünə nüfuz etmir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə dövründə nəqliyyat vasitələrini və yüksək diqqət və sürətli psixomotor reaksiya tələb edən fəaliyyət növü ilə məşğul olmaq mümkündür.

NİSTATİN istifadə qaydası və dozası

Vaginal istifadə edilir. Suppozitoriya qayçının köməyilə əvvəlcədən konturlu qablaşdırmadan azad edildikdən sonra (pərdəni şamın konturu üzrə kəsmək lazımdır) uşaqlıq yoluna yeridilir (gigiyenik prosedurlardan sonra). Sutkada 2 dəfə (səhər və axşam) 1 suppozitoriya təyin edilir. Müalicə kursu 10-14 gündür.