Nurofen 200 Mq N10 Tablet

NUROFEN, örtüklü tabletlər

NUROFEN tərkibi

NUROFEN tərkibi, 1 tabletin tərkibində 200 mq ibuprofen vardır

Nurofen, istifadəsinə göstərişlər

Nurofen baş və diş ağrılarında, miqrendə, ağrılı menstruasiyalarda, nevralgiyada, bel ağrılarında, əzələ ağrılarında və revmatik ağrılarda və oynaq ağrılarında; həmçinin qrip və soyuqdəymə xəstəlikləri zamanı qızdırmalı vəziyyətlərdə istifadə olunur.

Əks göstərişlər

• İbuprofenə və ya preparatın tərkibinə daxil olan hər hansı bir komponentə qarşı yüksək həssaslıq. • Bronxial astma, burunətrafı ciblərin və burnun şiddətlənən polipozunun tam və ya natamam uyuşması və asetilsalisil turşusuna və ya digər QSİƏP-lərə qarşı dözümsüzlük (o cümlədən anamnezdə). • Mədə-bağırsaq traktının eroziv-xoralı xəstəlikləri (o cümlədən mədə və 12-barmaq bağırsağın xora xəstəliyi, Kron xəstəliyi, xoralı kolit) və ya aktiv və ya anamnezdə xoralı qanaxma. • QSİƏP-lərin istifadəsi ilə bağlı anamnezdə mədə-bağırsaq traktında xora qanaxması və ya perforasiya. • Ağır ürək çatışmazlığı (sinif IV – NYHA təsnifatına görə). • Ağır qaraciyər çatışmazlığı və ya aktiv fazada qaraciyər xəstəlikləri. • Ağır böyrək çatışmazlığı (kreatinin klirensi < 30 ml/dəq), təsdiq olunmuş hiperkaliemiya. • Dekompensasiya olunmuş ürək çatışmazlığı, aorta-koronar şuntlamadan sonrakı dövr. • Serebrovaskulyar və ya digər qanaxmalar. • Fruktozaya qarşı dözümsüzlük, qlükoza-qalaktoza malabsorbsiyası, saxaraza-izomaltaza çatışmazlığı. • Hemofiliya və qanın laxtalanma prosesinin digər pozğunluqları. • Hamiləliyin 20 həftəsindən artıq dövrü. • 6 yaşa qədər uşaqlar.

Hamiləlik və laktasiya dövründə istifadəsi

Yenidoğulmuşlarda oliqohidramniozun və ya böyrək patologiyasının (neonatal böyrək disfunksiyası) mümkün inkişafı səbəbindən hamiləliyin 20-ci həftəsindən sonra qadınlarda QSİƏP-lər istifadə edilməməlidir. 20-ci həftədən əvvəl ehtiyac olduqda, qəbul həkimlə məsləhətləşməklə aparılmalıdır. İbuprofenin az miqdarda ana südünə keçdiyi və adətən zərərsiz olduğu göstərilmişdir. Qısamüddətli istifadədə ana südü ilə qidalandırma dayandırılmaya bilər. Uzunmüddətli istifadə zamanı qidalandırmanın dayandırılması məsələsinə həkim qərar verməlidir.

İstifadə qaydası və dozası

Daxilə qəbul üçün. Mədəsi həssas olan pasiyentlərə preparatı yemək vaxtı qəbul etmək tövsiyə olunur. Qısamüddətli istifadə üçün nəzərdə tutulmuşdur. Böyüklər və 12 yaşdan böyük uşaqlar: gündə 3-4 dəfə 1 tablet (200 mq). Gündəlik maksimum doza: 1200 mq (6 tablet). 6-12 yaş arası uşaqlarda: gündə 3-4 dəfə 1 tablet (200 mq), yalnız bədən çəkisi 20 kq-dan artıq olduqda. 6 saatdan az aralıqlarla qəbul edilməməlidir. Dozalar: 6-9 yaş (20-30 kq) üçün maksimal 600 mq, 10-12 yaş (32-40 kq) üçün maksimal 800 mq, 13-18 yaş üçün 800-1200 mq.