Nurofen Express N8 tb

Nurofen Ekspress, 200 mq yumşaq kapsullar

Nurofen Ekspress, beynəlxalq patentləşdirilməmiş adı: Ibuprofen

Nurofen Ekspress tərkibi

Təsiredici maddə: 1 kapsulda 200 mq ibuprofen vardır.

İstifadəsinə göstərişlər

Baş ağrısı, miqren, diş ağrısı, ağrılı menstruasiyalar, nevralgiya, bel nahiyəsində ağrılar, əzələ və revmatik ağrılar zamanı; qrip və soyuqdəymə xəstəlikləri zamanı müşahidə olunan qızdırmalı vəziyyətlərdə istifadə olunur.

Əks göstərişlər

İbuprofenə və ya digər komponentlərə qarşı yüksək həssaslıq; anamnezdə QSİƏP-lərlə əlaqəli bronxospazm, astma, rinit, urtikar səpgi və ya angioödem; mədə-bağırsaq xorası və qanaxma; ağır ürək, qaraciyər və böyrək çatışmazlığı; hemorragik diatez; fruktozaya dözümsüzlük; hamiləliyin 20-ci həftəsindən sonra; 12 yaşdan aşağı uşaqlar və s.

Hamiləlik və laktasiya dövründə istifadəsi

Hamiləliyin 20-ci həftəsindən sonra istifadəsi əks göstərişdir. Qısa müddətli istifadədə ana südünə keçməsi klinik əhəmiyyət daşımır. Uzun müddət istifadədə laktasiya dayandırılmalıdır.

Pediatriyada istifadəsi

12 yaşdan aşağı uşaqlarda istifadəsi əks göstərişdir. 12–17 yaş arası uşaqlarda maksimal sutkalıq doza 1000 mq-dır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Başgicəllənmə, yuxululuq və görmə pozğunluğu olduqda nəqliyyat vasitəsi və təhlükəli mexanizmlərin idarəsindən çəkinmək lazımdır.

Nurofen Ekspress istifadə qaydası

Böyüklər və 12 yaşdan yuxarı uşaqlar: gündə 3-4 dəfə 1 kapsul (200 mq). İstifadələrarası interval 6–8 saat. Maksimal sutkalıq doza: böyüklər üçün 1200 mq, 12–17 yaşlı uşaqlar üçün 1000 mq. Terapevtik effektin tez əldə olunması üçün böyüklərdə birdəfəlik doza 2 kapsula qədər artırıla bilər. Simptomlar 2–3 gün ərzində azalmadıqda, həkimə müraciət edilməlidir.