Panadol 500 Mq N12 Tablet

PANADOL, örtüklü tabletlər

PANADOL tərkibi

PANADOL tərkibi, 1 tabletin tərkibində 500 mq parasetamol vardır.

Panadol, istifadəsinə göstərişlər

Ağrıkəsici və qızdırmasalıcı qismində qısamüddətli istifadə üçün: başağrı, skelet-əzələ ağrısı, menstrual ağrı, diş ağrısı, soyuqdəymə və qrip simptomları. Eləcə də həkim tərəfindən diaqnostika edilən osteoartrit zamanı yüngül və mülayim intensivliyə malik ağrıların simptomatik yüngülləşməsi üçün istifadə edilə bilər.

Əks göstərişlər

Anamnezdə preparatın istənilən komponentinə qarşı yüksək həssaslıq.

Hamiləlik və laktasiya dövründə istifadəsi

Hamilə qadınlar barədə böyük həcmli məlumatlar yenidoğulmuşa malformativ, fetotoksik/toksik effektin olmadığını göstərir. Bətndə parasetamolun təsirinə məruz qalmış uşaqların nevroloji inkişafının epidemioloji tədqiqatları birmənalı olmayan nəticələr göstərir. Klinik zərurət yarandıqda, hamiləlik dövründə parasetamol istifadə etmək olar, lakin ən kiçik effektiv dozanı ən qısa vaxt ərzində istifadə etmək və dərman vasitəsini mümkün qədər nadir hallarda qəbul etmək lazımdır. Həkim göstərişinə əməl etmək və ilk trimestr ərzində qəbulu zamanı ehtiyatlı olmaq lazımdır. Parasetamol ana südü ilə xaric olur. Lakin səviyyəsi təhlükəli kimi qiymətləndirilmir. Laktasiya dövründə preparatın əks göstəriş olması göstərilmir.

İstifadə qaydası və dozası

Preparat, yalnız peroral istifadə üçün nəzərdə tutulmuşdur. Böyüklər, ahıl yaşlı pasiyentlər, 16 yaş və yuxarı yaşlı uşaqlar: ehtiyac olduqda sutkada 4 dəfəyə qədər 1–2 tablet qəbul edilir. Uşaqlar (10–15 yaş): ehtiyac olduqda sutkada 4 dəfə qədər 1 tablet təyin edilir. Həkim tövsiyəsi olmadan istifadəsinin maksimal müddəti 3 gündür. Qəbul arasındakı interval 4 saatdan az olmamalıdır. 24 saat ərzində 4 dozadan artıq olmamalıdır. 10 yaşa qədər uşaqlarda istifadəsi məsləhət görülmür. Ağır qaraciyər və ya ağır böyrək çatışmazlığı olan pasiyentlərdə istifadəsi məsləhət görülmür. Dozanı aşmaq olmaz. Terapevtik effekt üçün tələb olunan ən kiçik dozanı istifadə etmək lazımdır.