Papaverin 2% 2 ml N10 Ampula (Belarus)

PAPAVERİN HİDROXLORİD, 20 mq/ml inyeksiya üçün məhlul

PAPAVERİN HİDROXLORİD tərkibi

PAPAVERİN HİDROXLORİD tərkibi, 1 ampulda 40 mq papaverin hidroxlorid vardır.

Papaverin hidroxlorid, istifadəsinə göstərişlər

Xolesistit, spastik kolit, pilorospazm zamanı daxili üzvlərin saya əzələlərinin spazmının qarşısını almaq və tormozlamaq; öd və böyrək sancılarının aradan qaldırılması; obliterasiyəedici endarteriitin, baş beyin və ətrafların damarlarının spazmının müalicəsi (kompleks müalicənin tərkibində).

Əks göstərişlər

1 yaşa qədər uşaqlar; tənəffüsün zəifləməsi və ya komatoz hallar; atriventrikulyar (AV) blokada; papaverin hidroxloridə qarşı yüksək həssaslıq; qlaukoma; 75-dən yuxarı yaş həddi (hipertermiya riski); Peyroni xəstəliyi (intrakavernoz yeritmə üçün); ürək çatışmazlığı, miokard infarktı (kəskin və keçirilmiş), ürək ritminin pozulması (bradikardiya); kəlladaxili hipertenziya; qaraciyər xəstəliyi.

Hamiləlik və laktasiya dövründə istifadəsi

Hamiləlik və laktasiya dövründə papaverin hidroxloridin istifadəsinin təhlükəsizliyi və effektivliyi müəyyən edilməyib.

İstifadə qaydası və dozası

Preparat dərialtı, əzələdaxili və ya venadaxili yeridilir. Böyüklərə və 14 yaşdan yuxarı uşaqlara 20 mq/ml məhlul 0,5–2 ml (10–40 mq) dərialtı və əzələdaxili təyin edilir, venadaxili yeridilmə isə çox asta-asta 3–5 ml/dəqiqə sürətlə 1 ml (20 mq) 20 mq/ml papaverin hidroxlorid məhlulu 10–20 ml 0,9%-li natrium xlorid məhlulunda həll edilərək yeridilir. Yaşlı pasiyentlərdə müalicənin əvvəlində birdəfəlik doza 10 mq-ı aşmamalıdır. Böyüklər üçün maksimal doza: dərialtı/əzələdaxili – birdəfəlik 100 mq, sutkalıq 300 mq; venadaxili – birdəfəlik 20 mq, sutkalıq 120 mq. 1–14 yaşlı uşaqlara preparat sutkada 2–3 dəfə təyin edilir. Birdəfəlik doza bədən çəkisinə görə 0,7–1 mq/kq təşkil edir. Maksimal sutkalıq doza: 1–2 yaş – 20 mq, 3–4 yaş – 30 mq, 5–6 yaş – 40 mq, 7–9 yaş – 60 mq, 10–14 yaş – 100 mq.