Papaverin 20 mq N10 rektal şam

Papaverin, 20 mq rektal şamlar

Papaverin, beynəlxalq patentləşdirilməmiş adı: Papaverine

Papaverin tərkibi

Təsiredici maddə: 1 suppozitoriyanın tərkibində 20 mq papaverin hidroxlorid vardır.

İstifadəsinə göstərişlər

Saya əzələlərin spazmı: qarın boşluğu orqanlarının (xolesistit, pilorospazm, spastik kolit zamanı); böyrək sancısı zamanı; periferik damarların (endarteriit zamanı); baş beyin damarlarının (miqren zamanı); ürəyin (stenokardiya zamanı kompleks müalicənin tərkibində); bronxların (bronxospazm zamanı) saya əzələlərin spazmı.

Əks göstərişlər

Preparatın istənilən komponentinə qarşı yüksək həssaslıq, atrioventrikulyar blokada, qlaukoma, ağır qaraciyər çatışmazlığı, ahıl yaşı, uşaqlar (dozalanma rejimi məlum olmadığından).

Hamiləlik və laktasiya dövründə istifadəsi

Hamiləlik və laktasiya dövründə istifadənin təhlükəsizliyi müəyyən edilməmişdir. Yalnız ana üçün gözlənilən fayda dölə və uşağa olan potensial riskdən üstün olduğu halda istifadə oluna bilər. Müalicə dövründə ana südü ilə qidalandırma dayandırılmalıdır.

Pediatriyada istifadəsi

Uşaqlarda istifadəsi əks göstərişdir (dozalanma rejimi qeyd olunmamışdır).

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə dövründə nəqliyyat vasitələri və yüksək diqqət tələb edən mexanizmlərin idarəsindən çəkinmək lazımdır.

Papaverin istifadə qaydası

Rektal istifadə edilir. Suppozitoriya konturlu qablaşdırmadan çıxarılıb düz bağırsağa yeridilir. Bağırsağın təbii boşalmasından və ya imalədən sonra gündə 2–3 dəfə 1 suppozitoriya tətbiq edilir.