PAPAVERIN 40MG N10 TB

PAPAVERİN, 40 mq tabletlər

PAPAVERİN tərkibi

Təsiredici maddə: 1 tabletin tərkibində 40 mq papaverin hidroxlorid vardır.

İstifadəsinə göstərişlər

Papaverin hidroxlorid damarların, qarın boşluğu orqanlarının və bronxların saya əzələlərinin spazmaları ilə əlaqəli funksional pozğunluqların və ağrıların qarşısının alınması və müalicəsi üçün istifadə olunur. Preparat periferik damarların (endarteriit və s.), baş beyin damarlarının spazmalarında, stenokardiya (kompleks müalicənin tərkibində) və bronxospazm zamanı, qarın boşluğu orqanlarının saya əzələlərinin spazmalarında (pilorospazm, spastik kolit, xolesistit, öd daşı xəstəliyi tutmaları), sidik yollarının spazmlarında, böyrək sancılarında təyin olunur.

Əks göstərişlər

Preparata qarşı yüksək həssaslıq, AV (atrioventrikulyar) blokada, qlaukoma, ağır dərəcəli qaraciyər çatışmazlığı, yaşlı pasiyentlər (hipertermiyanın inkişaf etmə təhlükəsi), uşaqlar. Aşağıdakı vəziyyətlərdə ehtiyatla (aşağı dozalarda) təyin olunur – kəllə-beyin travmasından sonrakı vəziyyət, xroniki böyrək çatışmazlığı, böyrəküstü vəzilərin funksional çatışmazlığı, hipotireoz, prostat vəzinin hiperplaziyası, supraventrikulyar taxikardiya, şok vəziyyətləri, mədəbağırsaq sisteminin motorikasının azalması.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə müddətində nəqliyyat vasitəsini idarə etdikdə və yüksək diqqət konsentrasiyası və sürətli psixomotor reaksiyalar tələb edən potensial təhlükəli fəaliyyət növləri ilə məşğul olduqda, ehtiyat tədbirlərinə riayət etmək lazımdır.

PAPAVERİN istifadə qaydası və dozası

Preparat daxilə təyin olunur. Böyüklər – sutkada 3-4 dəfə 40-80 mq. Preparatın 10 mq-dan aşağı dozalanması apteklərin istehsalat şöbələrində hazırlanır.