Pol-Cipro 200 mq 100 ml sistem

Pol-Sipro, venadaxili infuziya üçün məhlul

Pol-Sipro, beynəlxalq patentləşdirilməmiş adı: Ciprofloxacin

Pol-Sipro tərkibi

Təsiredici maddə: 100 ml məhlulun tərkibində 200 mq siprofloksasinə ekvivalent 254 mq siprofloksasin laktat vardır.

Pol-Sipro, istifadəsinə göstərişlər

Ağciyər və bronx infeksiyaları, sinusit, otit, göz infeksiyaları, böyrək və sidik yolları infeksiyaları, genital infeksiyalar, mədə-bağırsaq sistemi və qarın boşluğu infeksiyaları, dəri və yumşaq toxuma infeksiyaları, sümük və oynaq infeksiyaları, sepsis, immun sistemi zəif xəstələrdə infeksiyalar və ya profilaktik məqsədlə, uşaqlarda sidik və böyrək infeksiyaları, kistoz fibrozun P. aeruginosa ilə əlaqədar ağırlaşmaları, tənəffüs yolu ilə keçən qarayaraya qarşı istifadə olunur.

Əks göstərişlər

Siprofloksasinə və digər xinolonlara qarşı yüksək həssaslıq, tərkibində tizanidin olan preparatlarla birlikdə istifadə qadağandır.

Hamiləlik və laktasiya dövründə istifadəsi

Hamiləlik zamanı istifadə edilməməlidir. Siprofloksasin ana südünə keçir və oynaqlarda zədələnmə riski olduğuna görə laktasiya dövründə istifadəsi məsləhət görülmür.

Pediatriyada istifadəsi

Sadə olmayan sidik və böyrək infeksiyaları (1-17 yaş), P. aeruginosa ilə bağlı ağciyər infeksiyaları (5-17 yaş), qarayara hallarında (2-17 yaş) istifadə olunur. Yalnız fayda/risk nisbəti nəzərə alınaraq təyin edilir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Yuxululuq, başgicəllənmə və psixomotor funksiyalara təsir edə biləcəyi üçün nəqliyyat vasitəsi və digər mexanizmlərin idarə edilməsi zamanı ehtiyatlı olunmalıdır.

Pol-Sipro istifadə qaydası

Böyüklər üçün gündə 2–3 dəfə 200–400 mq dozalarda 7–21 gün. Ağır hallarda gündə 3 dəfə 400 mq. Venadaxili 60 dəqiqə ərzində infuziya şəklində tətbiq olunur. Uşaqlarda yaş və çəkidən asılı olaraq gündə 2–3 dəfə 6–10 mq/kq. Qarayarada 60 günə qədər istifadə edilə bilər. Yaşlılarda və böyrək çatışmazlığı olan xəstələrdə doz tənzimlənməlidir.