Spazmalqon N20 tablet

SPAZMALQON, tabletlər

Spazmalqon tərkibi

  Təsiredici maddə:   1 tabletin  tərkibində 500 mq  natrium  metamizol, 5 mq  pitofenon  hidroxlorid, 0,1 mq  fenpiverinium  bromid  vardır.  Köməkçi maddələr: laktoza  monohidrat, buğda  nişastası, jelatin, talk, maqnezium stearat, natrium   hidrokarbonat.

İstifadəsinə göstərişlər:

  Daxili  orqanların  saya  əzələlərinin  spazmı  nəticəsində  baş  verən  zəif  və  orta  dərəcəli  ağrı sindromunun  simptomatik  müalicəsi  üçün  istifadə  edilir: - ağrı  hissi  və  sidik  ifrazının  pozulması  ilə  müşayiət  olunan  böyrəkdaşı  xəstəliyi, sidik yollarının  iltihabi  prosesləri; - mədə  və  bağırsaq  sancıları;  - öddaşı  xəstəliyi  və  öd  yollarının  diskineziyası; - ağrı  ilə  müşayiət  olunan  menstruasiya.

Əks göstərişlər:

   Preparatın  tərkibində  olan  hər  hansı  komponentə  qarşı  yüksək  həssaslıq;  - bağırsaq  keçməzliyi, meqakolon (yoğun  bağırsağın  genişlənməsi); - öd  kisəsinin  atoniyası; - sidik  kisəsinin  atoniyası; - qaraciyər  və  böyrək  çatışmazlığının  ağır  formaları; - qan  xəstəlikləri – aqranulositoz, leykopeniya; - qlükozo-6-fosfatdehidrogenaza  fermentinin  çatışmazlığı; - porfiriya; - qapalı bucaqlı  qlaukoma; - qlüten  enteropatiyası; - hamiləlik  və  laktasiya  dövrü.

Hamiləlik və laktasiya dövründə istifadəsi:

  Hamiləlik  və  laktasiya  dövründə  istifadəsi  əks  göstərişdir.

Spazmalqon istifadə qaydası, dozası

  Preparat  daxilə, yeməkdən  sonra  təyin  edilir. Böyüklərə  və  15 yaşdan  yuxarı  uşaqlara Gündə  2-3 dəfə  1-2 tablet. Maksimal  sutkalıq  doza – 6 tablet  təşkil  edir. 12-15  yaşlı  uşaqlara Gündə  2-3 dəfə 1 tablet. Maksimal  sutkalıq  doza  3 tabletdir. 9-12 yaşlı  uşaqlara Gündə  2-3 dəfə  0,5 tablet. Maksimal  sutkalıq  doza – 2 tablet  təşkil  edir. Müalicə  müddəti  3 gündən  artıq  olmamalııdır.