SPAZMOBLOK 500/5/0,1MG N20 TB

SPAZMOBLOK, tabletlər

SPAZMOBLOK tərkibi

Təsiredici maddələr: 1 tabletin tərkibində 500 mq natrium metamizol, 5 mq pitofenon hidroxlorid, 0,1 mq fenpiverinium bromid vardır.

İstifadəsinə göstərişlər

- Daxili orqanların saya əzələlərinin spazmı nəticəsində yaranan zəif və orta dərəcəli ağrı sindromu: böyrək sancısı, sidik axacağı və sidik kisəsi spazmı, öd sancısı; bağırsaq sancısı; öd kisənin hiperkinetik tipli diskineziyası; postxolesistektomik sindrom; xroniki kolit; alqodismenoreya. - Nevralgiya, artralgiya, işialgiya, mialgiyanın qısamüddətli simptomatik müalicəsi üçün; - Cərrahi müdaxilələr və diaqnostik prosedurlardan sonra köməkçi maddə kimi ağrıların aradan qaldırılması üçün;

Əks göstərişlər

- Preparatın tərkibində olan təsiredici maddəyə və/və yaxud köməkçi maddələrdən hər hansı birinə qarşı yüksək həssaslıq (o cümlədən, pirazolon törəmələrinə qarşı); - bağırsaq keçməzliyi, meqakolon; - prostat vəzinin hipertrofiyası (klinik təzahürləri ilə); - aydın ifadə olunmuş qaraciyər və/və yaxud böyrək çatışmazlığı; - sümük iliyi qanyaranmasının zəifləməsi (sümük iliyi funksiyalarının zəifləməsi); - aqranulositoz; - qlükozo-6-fosfatdehidrogenaza fermentin defisiti; - taxiaritmiyalar, ürək çatışmazlığı, kollaps, ağır dərəcəli stenokardiya; - öd kisəsi və sidik kisəsinin atomiyası; - bağlıbucaqlı qlaukoma; - hamiləlik, laktasiya dövrü; - 8 yaşa qədər uşaqlar. Qaraciyər və böyrək çatışmazlığı, arterial təzyiqə, bronxospazma meyilli, qeyri -steroid iltihabəleyhinə vasitələrə yüksək həssaslıq, asesilsalisil turşusunun və yaxud digər QSİƏP qəbulu nəticəsində inkişaf edən övrə xəstəliyi və yaxud kəskin rinit olan zaman preparat ehtiyatla və həkim nəzarəti altında istifadə olunur.

Hamiləlik və laktasiya dövründə istifadəsi

Hamiləlik müddətində istifadəsi əks göstərişdir. Ana südü ilə qidalandırma dövründə istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə dövründə nəqliyyat vasitələrini idarə etmək və digər yüksək diqqət və sürətli psixomotor reaksiya tələb edən potensial təhlükəli fəaliyyət növlərilə məşğul olmaq tövsiyə edilmir.

SPAZMOBLOK istifadə qaydası və dozası

Dərman vasitəsi kifayət qədər su ilə daxilə qəbul edilir. Böyüklər və 15 yaşdan yuxarı yeniyetmələrdə istifadəsi gündə 2-3 dəfə 1-2 tablet istifadə olunur. Maksimal gündəlik doza 6 tablet təşkil edir. Müalicə müddəti 5 gündən artıq olmamalıdır.

Uşaqlarda dozalanması yaşdan asılı olaraq təyin edilir: 12-15 yaş dövründə olan uşaqlara gündə 2 -3 dəfə 1 tablet təyin edilir. Maksimal sutkalıq doza 3 tablet təşkil edir. 9-12 yaş dövründə olan uşaqlara gündə 2 -3 dəfə ½ tablet təyin edilir. Maksimal sutkalıq doza 2 tablet təşkil edir.

Sutkalıq dozanın və yaxud müalicə müddətinin artırılması yalnız həkimin nəzarəti altında həyata keçirilməlidir. Əgər Siz Spazmobloku qəbul etməyi unutmusunuzsa Unudulmuş dozanın kompensasiya etmək məqsədi ilə preparatı ikiqat dozada qəbul etməyin, bununla da doza həddinin aşılması riskindən xilas olmuş olarsınız. Vaxtında qəbul edilməyən dozanı buraxın və preparatı adi cədvəl üzrə qəbul etməyə davam edin.