Tioles 4 mq / 2 ml N6 ampul

TIOLES, 4 mq/2 ml əzələdaxili inyeksiya üçün məhlul

Tioles, beynəlxalq patentləşdirilməmiş adı: Thiocolchicoside.

TIOLES tərkibi

Təsiredici maddə: 2 ml məhlulda 4 mq tiokolxikozid.
Köməkçi maddələr: natrium xlorid, inyeksiya üçün su.

TIOLES, istifadəsinə göstərişlər

Böyüklər və 16 yaşdan yuxarı olan yeniyetmələrdə ağrılı əzələ spazmlarının simptomatik müalicəsi üçün istifadə olunur.

Əks göstərişlər

• Tiokolxikozid və ya tərkibindəki digər maddələrə qarşı hiperhəssaslıq
• Süst iflic və əzələ hipotoniyası
• Qanaxma problemləri və ya antikoaqulyant qəbul edənlər
• Hamiləlik və laktasiya dövrü
• Kontraseptiv vasitələrdən istifadə etməyən doğuş potensiallı qadınlar

Hamiləlik və laktasiya dövründə istifadəsi

• Hamiləlik zamanı istifadəsi qadağandır
• Ana südünə keçdiyi üçün laktasiya dövründə istifadə olunmamalıdır
• Reproduktiv yaşda olan qadınlar effektiv kontraseptiv istifadə etməlidirlər

TIOLES, istifadə qaydası

• Əzələdaxili istifadə olunur
• Gündə iki dəfə 4 mq (1 ampula) əzələdaxili yeridilir
• Müalicə müddəti 3–5 gündür
• Fizioterapiya zamanı prosedurdan 30–40 dəqiqə əvvəl yeridilməlidir

Əlavə təsirləri

İmmun sistem: nadir hallarda – qaşınma, övrə, angionevrotik ödem; çox nadir – anafilaktik şok
Sinir sistemi: tez-tez – yuxululuq, şüurun keçici dumanlanması
Ürək-damar: nadir – hipotenziya
Mədə-bağırsaq: tez-tez – ishal, qastralgiya; nadir – ürəkbulanma, qusma
Qaraciyər: məlum deyil – sitolitik və xolestatik hepatit