Traumeel S 50 qr məlhəm

TRAUMEEL S, xaricə istifadə üçün məlhəm

TRAUMEEL S tərkibi

TRAUMEEL S tərkibi, 100 q məlhəmin tərkibində: Calendula officinalis MT 0,45 q, Achillea millefolium MT 0,09 q, Aconitum napellus D1 0,05 q, Arnica montana D3 1,5 q, Atropa belladonna D1 0,05 q, Bellis perennis MT 0,1 q, Matricaria recutita MT 0,15 q, Echinacea MT 0,15 q, Echinacea purpurea MT 0,15 q, Hamamelis virginiana MT 0,45 q, Hepar sulfuris D6 0,025 q, Hypericum perforatum D6 0,09 q, Mercurius solubilis Hahnemanni D6 0,04 q, Symphytum officinale D4 0,1 q vardır.

Traumeel S, istifadəsinə göstərişlər

Hər növ zədələnmələr (idman, qəza) zamanı: dartılmalar, çıxıqlar, kontuziyalar, qansızmalar və oynağa maye toplanması, sınıqlar və s.; iltihabi proseslər və müxtəlif orqan və toxumalarda iltihabla əlaqəli degenerativ proseslər, xüsusən də dayaq-hərəkət aparatında (tendovaginit, bursit, kürək-çiyin periartriti), bud-çanaq, diz və kiçik oynaqların artrozu daxil olmaqla.

Əks göstərişlər

Tərkibindəki aktiv maddələrə və ya köməkçi maddələrə, Arnica (dağlıq öküzotu), Chamomilla (çobanyastığı), Achillea millefolium (boymadərən) və ya mürəkkəbçiçəklilər fəsiləsinə daxil olan digər bitkilərə qarşı hiperhəssaslıq. Hamiləlik və laktasiya zamanı yalnız həkimlə məsləhətləşdikdən sonra istifadə olunmalıdır.

Hamiləlik və laktasiya dövründə istifadəsi

Hamiləlik və laktasiya zamanı kifayət qədər sənədləşdirilmiş məlumat yoxdur. Bu səbəbdən preparat yalnız həkimlə məsləhətləşdikdən sonra istifadə edilməlidir.

İstifadə qaydası və dozası

Səhər və axşam zədəli hissələrə yayılıb sürtülməlidir. Tez-tez istifadə lazım gələrsə, məlhəm sarğısı ilə qoyulmalıdır. Məlhəm böyük sahələrdə uzun müddətə və ya birbaşa açıq yaralarda istifadə edilməməlidir. 12 yaşdan az olan uşaqlarda yalnız həkimlə məsləhətləşdikdən sonra istifadə olunmalıdır.