Voltaren Emulgel 20 Mq 100 Qr Gel

Voltaren Emulgel, 1% xaricə istifadə üçün gel

Voltaren Emulgel, beynəlxalq patentləşdirilməmiş adı: Diclofenac

Voltaren Emulgel tərkibi

Təsiredici maddə: 1 q preparatın tərkibində 11,6 mq diklofenak dietilamin vardır (10 mq diklofenak natriuma müvafiq).

İstifadəsinə göstərişlər

Vətərlərin, bağların, əzələlərin və oynaqların zədələnməsi (bağların yırtılması, əyilmələr, qançırlar, bel ağrısı); tendinit (tennis dirsəyi sindromu), bursit, çiyin-əl sindromu, periartropatiyalar kimi yumşaq toxumaların revmatik xəstəlikləri; barmaqların və dizlərin oynaqlarının artrozu.

Əks göstərişlər

Diklofenaka və ya digər komponentlərə, asetilsalisil turşusu və ya digər QSİƏP-lərə qarşı allergiya; hamiləliyin son 3 ayı; 12 yaşdan kiçik uşaqlar; açıq yaralar, səpgilər, ekzemalar üzərində istifadə qadağandır.

Hamiləlik və laktasiya dövründə istifadəsi

Hamiləlikdə, xüsusilə son 3 ayda istifadə qadağandır. Laktasiya dövründə istifadə olunmamalıdır.

Pediatriyada istifadəsi

12 yaşdan kiçik uşaqlarda istifadə olunmamalıdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Təsir göstərmir.

Voltaren Emulgel istifadə qaydası

Böyüklər və 12 yaşdan yuxarı uşaqlar: ağrılı nahiyəyə gündə 3–4 dəfə 2–4 q gel çəkilərək dəriyə yeridilir. İstifadədən sonra əllər yuyulmalıdır. İstifadə müddəti maksimum 14 gündür. Simptomlar yüngülləşməzsə və ya pisləşərsə, həkimə müraciət olunmalıdır.