Voltaren Emulgel 20 Mq 50 Qr Gel

Voltaren Emulgel, 2% xaricə istifadə üçün gel

Voltaren Emulgel, beynəlxalq patentləşdirilməmiş adı: Diclofenac

Voltaren Emulgel tərkibi

Təsiredici maddə: 1 q preparatın tərkibində 23,2 mq diklofenak dietilamin vardır (20 mq diklofenak natrium ekvivalentində).

İstifadəsinə göstərişlər

Əzələ və oynaq travmaları (idman, bədbəxt hadisə və s. nəticəsində), dartılmalar, bağ zədələnmələri, ağrılar, tendinit (məs. “tennis dirsəyi”), diz və əl barmaqları oynaqlarının artrozu zamanı ağrının yüngülləşdirilməsi və iltihabın azaldılması məqsədi ilə istifadə olunur.

Əks göstərişlər

Diklofenaka, preparatın digər komponentlərinə, asetilsalisil turşusu və ya digər QSİƏP-lərə qarşı allergiya; hamiləliyin son 3 ayı; 12 yaşdan kiçik uşaqlar; açıq yaralar, səpgilər, ekzemalar üzərində istifadə olunmamalıdır.

Hamiləlik və laktasiya dövründə istifadəsi

Hamiləliyin xüsusilə son trimestrində istifadəsi qadağandır. Laktasiya zamanı istifadəsi tövsiyə edilmir.

Pediatriyada istifadəsi

12 yaşdan aşağı uşaqlarda istifadə olunmamalıdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Tətbiq olunduqda mərkəzi sinir sisteminə təsir göstərmədiyi üçün idarəetmə qabiliyyətinə təsir etmir.

Voltaren Emulgel istifadə qaydası

Böyüklər və 12 yaşdan yuxarı uşaqlar: ağrılı nahiyəyə gündə 2 dəfə (səhər və axşam) 2–4 q gel (albalı və ya qoz böyüklüyündə) çəkilir və dəriyə yeridilir. Maksimal istifadə müddəti 14 gündür. Gözlərə və selikli qişalara düşməməlidir. İstifadədən sonra əllər yuyulmalıdır.